أبوذيات عراقية 2023 غزل رومانسي قوي كتابة

أبوذيات عراقية ترسلها للأحباب والأصدقاء، لزوجتك أو لزوجك أيضًا، نعبر بها عما يدور بداخلنا من مشاعر حب صادقة، وكذلك نسرد خلالها أجمل كلمات الحب والهيام التي تطوي القلب وتسعد النفس، ومن المؤكد أن لتلك الرسائل تأثير جيد على القلب والنفس أيضًا، فهي تمنح الشخص مزيد من الثقة بحب من حوله، وأن لازال هناك من يتذكره بكلماته الرنانة التي تنبض القلب وتريح النفس، وتشغل الفؤاد برقتها عندما تلمس حزنه وتداويه، لذا يقدم لكم الاحلام بوست المزيد من تلك المشاعر عبر النصوص الراقية.

ابوذيات رومانسية للمتزوجين

أبوذيات عراقية 2023

شفت بالطيف شخصك سالماني
همت ودموع عيني سالماني
علي تسأل يغالي سالم اني
عدل بس شوفتك شحت عليه

كلب صافي اذا ترغب كلبنه
وابد مايوم على صاحب كلبنه
احنه اظلوع الك وانت كلبنه
وبنبض كلبك ترد الروح اليه

ذبل عود الكلب لجلك وخاوي
وبعد مااحط اخو غيرك وخاوي
الفخر مو للذي يعاشر وخاوي
الفخر بالضيج لليذكر خويه

جمبذ خد ابو سمحات منفاك
الورد وارد يساهي العين من فاك
لو بين عليه جفاك منفاك
غصب روحي عليك اتحوش بيه
الشاعر حسين العبادي

يناهي اقبل ارشادي ونتصاحي
جذب من شاف شخصك ونتصاحي
و حك سكرة اعيونك ونتصاحي
رضابك سلسبيل و عذب ميه
الشاعر سعود النفيسي

نومي اشلون وهمومي تلمني
انحلت و الفضل لهدومي تلمني
علام الناس يا صاحب تلمني
لها الحك مادرت بالصار بيه
الشاعر سيد محسن البطاط

مثل حني فصيل النوك ماحن
الك يالخلفت بالكلب ماحن
ردت بجفاك حتفي يحين ماحن
تركني لونسة الشمات بيه
الشاعر هاشم فليح

احبابي الاعز من صحتي صحتهم
جفوني و لا ضمايرهم صحتهم
بهدمي اعمت و بلساني صحتهم
سمعوا شافوا فلا ردوا عليه
الشاعر جواد الجياشي

علامك يا جفن ما بطل وشلاك
افضحتني يصير اكضلك خيط وشلاك
بس امن الرشيح اشبعد وشلاك
المضه ماضن يعود انو باليه
الشاعر علي موسى حشيش

حركت الثوب بالاهات وعباي
وحملت اهموم جمه وضيم وعباي
كلب اهل الكهف من صحت وعباي
نبح واهل الكهف فزعوا عليه
مهودر الحلفي

بليالي اجفاك ماتدري مناحاي
عليك محزم وناصب مناحاي
بشوكك لاتكول شحي مناحاي
عراز امشي اعله جود الشمت بيه
سيد محسن ابو طبيخه

ملوم الناس حيل اوياي منداي
انادي ولااظن ايفيد منداي
الك داي بدليلي داي منداي
عظيم وبلتوالي يعم عليه
جبار خضر

الف اه بدليلي من يزلهه
وجثيره اتعبت روحي من يزلهه
صديجي اسمحله زلته من يزلهه
شمعنه انه من ازل يكصون بيه
دحام جبار ال حامي

عميت العين من المسح يردان
عله النزلن بوادي النزل يردان
يصاحب كوم ذني البيض يردان
عبد مملوك وديهن عليه
ابو معيشي

هنا يلي احسبت تجفي ونسلاك
اخلافك دوم مانرهم ونسلاك
انجان انته مضه عيدك ونسلاك
مثل يوم الطبك عيدي عليه
محسن نايف الشطري

زماني حط الي عله يعله
ينزل الفوك والواطي يعله
اود هسه العمر يخلص يعله
ولا عيشه بمذله ادوم اليه
هاشم فليح

انشفن يا دموع الهم و طيري
عله الماخلص وياهم و طيري
كطه طيور الخلك تلزم و طيري
حيايه ايجيب و يصلكط عليه
نعيم الخباز

نشرنه اعلام ودك وانته وينه
ونطيح بنار شوكك وانته وينه
حجينه اوياك ثابت وانته وينه
حجي ولزمه عصة العباس اليه
دحام جبار

شبه طير الكطه الضامي علاماي
امر ولاارى منكم علاماي
بهاي الدار اهل ودي علاماي
بحداهم كمت اصيح بلاوعيه
عبدالحسين حميدي

وحك سورة الم نشرح ولنفال
لساني انعكد من شفتك ولنفال
دعيت الباري بالخمسه ولنفال
قسمتي اتصير حد يوم المنيه
ابومعيشي

الدر مايبس جفوني وشرهن
طحت بالغاسق الواقب وشرهن
رهنت الروح لودادك وشرهن
بعد بس كاع كبري وموش اليه
ستار دلي

دنيف متيمك مايوم بسم
مغذيني يساهي العين بسم
من وجدك غديت الظم بسم
ابد سم الخياط يضيج بيه
مله جادر

نحرني والهدم مسفور ردناي
شطت لله وعمود البيت ردناي
ريمه جن غزال الصيد ردناي
سمع طك الزناد وعاف ميه
سيد علي الهلالي

وسفه الدهر شتتكم وطركم
حسافه ماكضه منهم وطركم
بذجركم هذا انه اهذي وكركم
يعيد الله شتتكم جمع ليه

زماني جرد اسيوفه وسنهه
عليه اوحرمت عيني وسنهه
وحق اللي فرض خمسه وسنهه
بعد هيهات عيش ايصير اليه

حبيبي دك بذرعانه ولجتاف
بضلعي جاسي اللبي ولجتاف
رضينه بحبس دندوشه ولجتاف
وهي سجاني وتفتر عليه

مر ولفي ايهبتني ومره هبته
ومره اوصلت يمه مره هبته
طحت مقدر يصاحب مره هبته
اسد يخسه الاسد ملقاه اليه

ابنار الهجر يامهجه دموعاي
على مصابي السمه يمطر دموعاي
اشما هلن يدندوشه دموعاي
حسناتج تبدل بالف سيه

حب غيرك تكلي مالي انـــــــي
وانه البس بيك عيني مالي اني
منعوفك يوم
اضل مهموم
اعد نجوم
طول اليل
اون ياويل
لحد مانام
بحلم غيرك حبيبي مال يـــــاني
جذب ماجه وعلى ولا مر عليه

شفر شفرح شلكفنك شطر بيــــك
وشسولف ياوصف عنك شطر بيك
يمن ترعب
حرت شكتب
قصيدة شوك
عليك تلوك
تخلف اه الك
بس لا طلع يكتل شطر بيـــــــــــك
وكتل حتى القصيده ورد عليه

راد أيفوت وتنخه علي وياه
زمط من زمط لن حيلة علة ويا
وكف وبزود كللهة علوية
لقد تم العشك أنتي أليه

أون أعليك موبصياح بسكات
يبو شفاف الكعك وخدود بسكات
شمالك يالدمع خلصيت بس كت
وصفة حتة الدمع ذب دمعه عليه

مو معدن ذهب معدنك صفرين
وهذني ارسوم وجهي اعليك صفرين
انا واحد وانت مو صفر صفرين
عد يمناك حطني نصير مية

بلهيب جفاك كل اعضاي وجن
وتيهت السنين المضن والجن
مثلك ماشفت بالانس والجان
وجلت قدرته السواك الية

احبك من تصل ليه واصل ليك
واكطع كلبي بفراكك وصل ليك
احسك ركعة كل ساعة اصليك
واصيح اللة واكبر حن عليه

أخذ نبضي الهمس شوككـ منصه
وأبد لاتخاف كص كلبي من نصه
صدكـ الراس كل عمري مانصه
ويظل شامخ بحبك للمنية

عملت الزينة محبوبي من اصلك
وجرح بالروح ظل ينزف من نصلك
شكثر مشتاكـ ماأدري من اصل لك
احضنك لو أقدّم بس تحية

دفت دوف المصايب مادفني
وليال الصيف كلهن مادفني
اخوي المتت يمه مادفني
ركض للدود حشمهم علية

حفينا وما عرفنا اسباب شطاك
عطشنا وما شربنا ماي شطاك
كلي العلمك على الهجر شطاك
شخذ منك سبب جرمك علية

عليك اعيون تسحرني به الوان
ورحي صفت من هجرك به الون
ابشرك صرت بغيابك بهلوان
وصفت كل البشر تضحك عليه

وي دورة عيونك درنا في سات
ويا سبحان الخلقهن در نفيسات
مونظرات عندك درنفيسات
لان تفصيخ ذبني عليه

الك معزوفه من روحي ولك حس
والك ذوق شكثر مرهف والك حس
احبك والله يمعود ولك حس
واذا حسيت بس رمش عليه

مظن زلفك يناهي براح ينلاح
بعگل كلمن يريده الاف ينلاح
بظلام الليل وجهك لون ينلاح
مثل شمس الضحي اتضوي الوطيه

الحزن عـاف النـاس كـلها والتهابي
وجـمـر بحشاي تسلى والتهـابـي
انـتـه سـبـب عــــــلتـي والتهابــي
واكيد انته الطبيب اليكشف علي

عليّ ثوب الونــــين اشكثــــر حالي
شباب وهل شبت مــــن دون حالي
انشدك على احوالك مـثــل حالي
طايــــــــحة والهموم اتشيل بيـه

هموم هواك ما خلــــن علي حال
فريضة وحبك مــن الله علي حال
يالتنشد على حالـــي علي حال
شيفيــد النشــد عالصــار بــيـــه

عسا بعدك كـصـير العمـر لا طال
يمن وجهك بـعـد عالعيـن لا طال
ردي حظي ولشخصك ابد لا طال
لون محـظـوظ كـلك بـيـن اديــه

يـامن فـاركـت شـمـلي وشمـلاك
سمعنه والحجي يخصك وشملاك
اذا غـيـري وصـل خـدك وشمـلاك
حـرام يـبـوس خـد الـجـان اليــه

اجـذب الـكـال عـنـك ومـرة شفتك
العسل لسه بشفافي من رشفتك
الـحذر لـو ويـــه غـيـري مره شفتك
انـتـحر بـيـك وامـوتـك بـيـن اديــه

الدنيـا اسيوف بـظلـــوعي سنتها
وقـوانين الـتعب لجلـــــي سنتها
الوادم تـحـتـفل بآخــــــــر سنتها
وأنه ابجي اعله العمر راح منديه

الگلب ضل بس اهو وحـــده ورباه
يتيم وما لگه واحــــــــــــــد ورباه
منو المثلي أخ جرحــــــــــه ورباه
وكبرنه اعله القهر احـنـه سويــه

أمـرنـي وألـبـيـلك عســـــل بيك
عساهن بيه يفترن عســــه البيك
حنضل لو ضكت خدي عسـل بيك
ومـن شـفـتـك للصدر وجبه شهيه

افرح لــو شفت وجهـــك وسر بي
وحـبـك ثـابـت بكـلبــــي وسر بي
شماطال الدرب امشيه واسر بي
واجـيـب الـروح لـعـيـونـك هـديـه

جان الحزن ثوبي والهماني
وجرعت الصبر والمر والهماني
تحملته بشجاعه ولاهماني
شباب وبعد كل الحيل بيه

 

أبوذيات عراقية

غالبًا ما نحتاج إلى المزيد من الكلمات الراقية التي تمر بالقلوب فتداوي بها جروح ربما يزداد يومًا بعد يوم، حتى نجد من يملي علينا كلماته العذبة، وإليكم مجموعة ابوذيات عراقية راقية:

  • يا كلشي بحياتي ويا حلم دنياي، يا دمعة فرحتي وضحكة أخزاني، يل حب خرج عن طابع المألوف من كد ما أحبك تاه وجداني، وعن هذا البشر واضح فوارق بيك عنهم تختلف من قاس ميزاني يا اسمي الثلاثي واللقب وياه يعني انته هويتي لراد يقراني.
  • إذا كلمة أحبك يعني أحبك حيل، ألف مرة أحبك واعترف بيهه، تعبني السهر وشكد طول الليل، هاي من البداية اشلون تاليهه، صدكني بفركتك أنه شفت الويل ولجل شوفة عيونك روحي انطيهه، يا أحلى قصيدة انخبطت وي الهبل، أحبك وابقى أحبك وابقه احجيهه.

اقرأ أيضًا: أحدث ومضات الحب , ومضات غزل رومانسية ’ شعر شعبي عراقي

  • ريحة ليل تندهني وأسولف بيك، وأتوسد حلم مكاك، وآغفة بحسبة متآنيك أفز محتاج، لشنلونك؟ تهت والعافية عيونك.
  • ألك شوك أبصيم احشاي ينهال، وكلبي من ربيع اصباك ينهال، بيكم للعشك مريود ينهال، عله روحي الصفت يمكم سبيه.

ابوذيات غزل قوي

ابوذيات غزل قوي

كما يمكنك أيضًا الحصول على المزيد من أبوذيات عراقية رومانسية لا مثيل لها، والتي تعد من أقوى الكلمات ضمن غزل رومانسي قوي:

  • أحبك مو سوالف بآخر الليل، أحبك حب الدمع بعيون الأيتام، من كد ما أحبك بس أسولف بيك، حفرتك بين جلدي وبين العظام، لو بيدي أجيبك لجوة بالبيت، وبلمعرض أحطك واقفل الجام.
  • طبعت حروفك على قلبي وشم، وأظل أنادي على أحبابي وشملك، من تفوت اتعطر بعطرك واشملك، ترد الروح من انته تمر عليا.

اقرأ أيضًا: اشعار عراقية حزينة 2022 ، اجمل شعر شعبي عراقي حزين

  • مو كلمن يحبك يعني شايل شوك، ترى شوك العشك ما حد يفهمه، ولا كلمن عشكته تشيله الأشواك، ومو شرط لتحبه تصير كل همه، ناس اللي تحب ما تنس حبت ناس، ولا تنسى كلب خلالها بالقمة، صح ما عندي عشك وما إليي محبوب لكن عندي بكلبي شخصية مهمة، أحبه بالأمس وي باجر وبعدين، صدكوني عشكته أكثر من أمه.

غزل رومانسي قوي كتابة

غزل رومانسي قوي كتابة

إلى جانب ذلك إليكم مجموعة رائعة من أبوذيات عراقية ذات كلمات رنانة تدخل القلب دون أن تدق أبوابه، فهي تمر إلى قلبك بلا إذن ولا كلام، وإليكم أبوذيات عراقية رومانسية للمحبين:

  • اصفن بيج يبنية، موش بنية حورية، نزلت من السما بيا باب، يمـ عيون جوزية.
  • أحبك وما أحب أحد سواك، وسبحان اللي من طين سواك، بشر ولكن ويا القمر سواك، واحد فوق والثاني بين إيديا.
  • اهجرك وابتعد عنك واهل ما، ولا صاحب يفرحني واهل ما، أسألك غير اليجاوب وهل ما، يردلي بيت يكون يحل قضية.
  • طش ماية الورد والكلب لمه، واحن عليك مثل الطفل لمه، تدري أنه شوكت انساك لمه، يجف مني النظر وتنوت ادية.

اقرأ أيضًا: شعر شعبي عراقي عن الأخوة والوفاء ، شعر عن الاخوة والصداقة

ابوذيات غزل بالشفايف

ابوذيات غزل بالشفايف

يمكن للزوج أن يتغزل في زوجته والعكس أيضًا، بأرق الكلمات التي نقدمها لكم عبر أبوذيات عراقية رائعة، ذات كلمات رنانة ومعان مؤثرة، وإليكم أشهر ابوذيات مميزة:

  • كتله بوسة من الشفايف، كال لا تحجي بجسارة، كتلة من خدك أبوسك، كال مو يكثر حماره، كتلة جا سويلي جارة، كال نسويها صدفة انت رايح وأني حاي، انته توكع واني احضنك، وانت سويها بشطارة.
  • ماكض الشفايف لا تكلي شبيك، خايف من حلاتك يصعد السكر، بس جيب اليبوسك،، يا وكيح عيون؟ وبشفافك ندى بلحظة اليشم يسكر، طركاعة اللفتك كوم فك الزيج، لالنكي اعلى صدرك رايج امشكر، من اجي لبستان حضنك ارحم الجعان، بأحر ارد اصوم وابشفتك اتسحر، وأرد ويه الفطور اخذلني كعدة ويام، واذب تيزاب جوعي بخصرك افطر.
  • لو ردت الحبيب تشوفه ينشاف، وطيبك جرح بضماده ينشاف، أخبرك يالحبيب شلون ينشاف بس ضيفي يمك وهاي هيه.

اقرأ أيضًا: اجمل رسائل وصور تهنئة بالعام الجديد 2022 بين الاحبة والاصدقاء

ابوذيات غزل بالعيون

ابوذيات غزل بالعيون

إليكم أيضًا مجموعة  أبوذيات عراقية في حب العيون، فيا له من حب عميق تعبر عنه العيون بنظراتها الولهانة، وفي حب العيون وكلامها نروي لكم أبوذيات عراقية رومانسية مميزة:

  • يا صاحب العيون الشجية روحي اشتاكت الشخصك وحنيت، لويت اظلوعي بفراكك وحنيت، وحقك جا جبت حنة وحنيت عتبت بابي لون مريت بيه.

اقرأ أيضًا: نكت عراقية تموت ضحك 2022 مافي اروع منها

  • عيونك هي الدرب ومن دونها أتوه، فيها الطريك وفيها الممر، وبها أحيا لآخر العمر.
  • انشالله تدوم هيك عيون جذابة، سحبت كلبي بنظرة واحدة، يا بعد روحي انتي ليش عم تتركيني وتروحي، بدي في كل خطوة نظرة.
  • اضل سنين اودك وانت غالي، بعت عمري واشتريتك وانت غالي، كل الناس ترخص وانت غالي غلاتك اغلى من روحي عليه.

ابوذيات غزل بالجسم

ابوذيات غزل بالجسم

من المؤكد أن الحب يجعلك تغرم بكل ما شيء فيمن تحب، لعلك تجد فيه أنسك وهيامك، وعادة ما يقوم المحب بوصف المحبوب بكلماته العذبة التي ترق القلب، وإليكم أجمل كلمات غزل رومانسي قوي للعاشقين:

  • ياهو مثلي بداخلة ضجت، مدينة وشكلة يضحك، مايحل مشكلة لروحه، ولمن تشكيلة ينصحك، المشكلة من تسد فراغك، بالنقص وتعيش خالي، المشكلة من تسولف المنطق، بجرحك بس يشوفونك مثالي.
  • أصيلة الروح تنشد من خيالي، وافز مرات اخافن من خيالي، شكثر حاولت احذفك من خيالي، خيالي انحذفت وانته الضال ليه.
  • اعاندهم لجل حبك والاسن، الكبر ما يمنع اليعشك ولا السن، اظل اهواك لو ابقه ولا سن، أحبك من ثدك غثبن عليه.
  • تلوعنه وشفنه كل حلاوتهم ومرهم الروح تمشي على طوعهم وأمرهم حبيبي دوه لجروحي ومرهم تمنيته يجي ويحن عليه.

اقرأ أيضًا: كلام تكاتك جامد جدا ,عبارات, حكم ,امثال مضحكة مكتوبة علي التوك توك

ابوذيات رومانسية للمتزوجين

 

الحب لا يتوقف أو يقل بعد الزواج بل يزيد ويملأ القلب أكثر من قبل، لاسيما إن كان هناك ذلك الرابط الذي يربط قلوب المحبين وقتذاك، وإليكم مجموعة ابوذيات رومانسية رائعة:

  • تمنيتك نجم كل ليلة أباوع بيك، وأضوج هواك لمن تكرب الغبشة، وأنام الصبح أحلم بطاريك، وساعات النهار تصير وحشة، ويرد الليل يرجع وأنه أرد إليك، مثل طير بمسية ويرجع لعشه.
  • تعال إلى ولو مرة لنقتسم الحب في قبلتين، تعال فهذا الطريق طويل وقربك يجعله خطوتين، أمد إليك لهيب الجراح فمد إلي بدفء اليدين، يعلمنا البين أن الحنين قصائد تنسج من دمعتين.
  • اذب عالجرح بغيابك ولك خل، والك عاشك جنت تذكر ولك خل، ولك كافي ولك وافي، حمل هجرك حنة اجتافي، يجيني الليل دمعي يسيل بعدك شوفني الويل، يمته تعود واخجي بزود، واكتب شعر مو بحدود، مشيت ووزن المشطر ولك خل، اكض القلم وتفشلني اديه.

اقرأ أيضًا: طرق لزيادة الحب بين الزوجين

إلى هنا نكون قد انتهينا من عرض مجموعة رائعة من أبوذيات عراقية متنوعة ذات معاني راقية وكلمات مميزة لا مثيل لها، للمحبين والمتزوجين، وكل من يحب ويعشق من قلبه، فالكلام الرقيق الذي يمس القلب له أثر طيب في النفس وعلى الروح، كما تقرب تلك الكلمات الكثير من القلوب فيما بينها.

1 فكرة عن “أبوذيات عراقية 2023 غزل رومانسي قوي كتابة”

  1. ❣آلســنآفـي❣515💫

    عيوني قبل كلبي كلمنــــــــكم
    وانة المايوم كلبي كل مـــنكم
    وانة اللي صار بية كلة منكم
    لان انتم لعبتم طوبــــــــة بية

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

Scroll to Top